Studiemetodes vir wiskunde - Hoe moet ek wiskunde leer?

Wenke vir wiskunde studiemetodes:

As daar nou een vak is wat emosies by mense wek, is dit wiskunde. Elkeen van ons het ‘n gruwel storie van ‘n onderwyser wat ons wiskunde punte laat daal het, of ‘n ouer wat ons tafels in ons ingedril het met die paplepel. Daar is baie stories om te vertel. Tog is wiskunde een van die belangrikste vakke vir Universiteitstoelating en is daar tog hoop vir diegene wat sukkel met wiskunde.

Vrees vir wiskunde

Daar is so baie mense wat ‘n vrees vir wiskunde ontwikkel het erens in hulle lewens. Grootmense wat vandag nog sukkel met dit. Wiskunde en emosies loop sterk saam. Wat doen die meeste mense wanneer hulle wiskunde angs het? Hulle los wiskunde so gou hulle kan en probeer regkom met geletterdheid. Wiskunde en selfvertroue loop hand aan hand. Die een kan nie sonder die ander nie.

Hoe oorkom ek my vrees vir wiskunde?

Wiskunde angs is dieselfde as enige ander angs. Erens het iets gebeur en het jy begin glo dat die slegte altyd gaan plaasvind. Daai gedagtes het so magtig geraak dat dit jou hele wese beinvloed en jou geloof dat jy in staat is om wiskunde te doen, heeltemal gesteel het. Wat kan jy doen om wiskunde angs te verminder?

Stel jouself herhaaldelik bloot aan wiskunde. Doen somme, werk vraestelle uit, doen ekstra wiskunde huiswerk sodat jy gewoond kan raak aan hoe die vrae gevra word in die eksamen.
Stop negatiewe gedagtes. Sit ‘n rekkie om jou arm. Elke keer as jy gestres raak of ‘n “blank” slaan, skiet jouself teen die arm met die rekkie en herinner jouself dat jy dit KAN doen.
Speel wiskunde speletjies sodat jy gemaklik raak met syfers.
Praat positief en motiveer jouself. Glo dat jy KAN.

Wiskunde studiemetodes wenke

Onthou wiskunde is gebou op fondasies. As jy in graad 4 gesukkel het met iets, gaan terug en maak seker dat jy die begrippe verstaan waarmee jy gesukkel het. Dan kan jy die res van die fondasies aanpak.
Mense dink verkeerdelik dat wiskunde nie ‘n leervak is nie. Daar is belangrike beginsels wat geleer en verstaan moet word voordat jy kan begin vraestelle uitwerk. Woon een van ons studiemetodes werkswinkels by sodat ons jou kan leer hoe om die basiese beginsels onder die knie te kry.
Maak wiskunde pret. Speel bordspeletjies en kyk watter apps daarbuite is om wiskunde se verstaan makliker te maak.
Lees. Sommige onderwysers ervaar dat kinders swak doen in toetse omdat hulle nie die vrae verstaan nie. Die standaard van jou leesbegrip het beslis ‘n invloed op jou wiskunde prestasie. Kry vir jouself boeke oor onderwerpe wat jy interessant vind. Al lees jy een artikel oor jou stokperdjie elke dag. Sorg net dat jy LEES.
Verduidelik jou wiskunde vir iemand anders. As jy kan verduidelik, wys dit dat jy verstaan.

Wiskunde moet in 3 fases geleer word:

Eers teorie en leerwerk;
Dan korrelasie. Wat het ek hier nodig? Hoe kies ek, watter stelling, hoe, wat.
Laastens is dit probleemoplossing. Hoe gaan jy dit prakties toepas? Werk deur vraestelle en toetse en huiswerk.

Wiskunde is nie ‘n monster wat daar is om jou te vernietig nie. Jy KAN wiskunde doen.

Leer die regte studiemetodes vir wiskunde en al jou ander vakke deur een van ons studiemetodes werkswinkels by te woon in Olympus, Pretoria-Oos.