0824196055 info@studiemetodes.co.za

Is jy ontevrede met jou rapport en toets uitslae? Leer jy hard, maar kry nie die resultate wat jy graag wil nie? Voel jy moedeloos en gedemotiveerd? Ons kan help.

Ontdek hoe om reg te leer met ons studiemetodes werkswinkels. Ons help kinders reeds van 2010 af om te leer en te memoriseer volgens hulle leerstyl. Ontdek hoe om slim te leer en leer jouself beter ken in die proses.

Wiskunde is nie moeilik nie
Maak seker jou leerarea is reg
Moenie jou hele handboek oorskryf nie!
Wenke vir begripstoetse

PRODUKTE VAN DIE WEEK

Elke kind is anders en elkeen se manier van dink is uniek. Dit is daarom belangrik dat leerders hulle eie werk opsom. Opsom is ‘n integrale deel van die leerproses en die waarde daarvan moenie onderskat word nie. Daar is verskillende opsom tegnieke wat gebruik word vir verskillende vakke. Jou Afrikaanse en Wiskunde opsommings gaan nie dieselfde lyk as opsommings vir jou leervakke nie.

Memorisering behels meer as om net deur jou werk lees voor ‘n toets. Baie leerders som hulle werk goed op, maar doen die proses van memorisering verkeerd. Dit is baie belangrik om jou werk op die regte manier te memoriseer volgens jou leerstyl. Deur die regte memoriserings tegniek te gebruik, sal eksamen vrees en “blank slaan” tydens ‘n toets nie ‘n probleem wees nie.

Studiemetodes Werkswinkels

Al ons studiemetodes werkswinkels begin met ’n aanlyn vraelys waar ons bepaal wat die leerder se leerstyl, persoonlikheidstipe en brein dominansie voorkeur is.  Daarna volg die praktiese werksessie waar ons kinders leer hoe om op te som en reg te memoriseer volgens hulle leerstyl.  Ons fokus op praktiese tegnieke en ons metodes is maklik om te onthou en toe te pas.  Ons bied Afrikaanse en Engelse klasse aan.

Ons het 3 opsies beskikbaar.  Al 3 opsies sluit ’n aanlyn leerstyltoets, persoonlikheidstoets en breindominansie voorkeur toets in.  In al 3 die werkswinkels leer ons die kinders op ’n praktiese manier hoe om te som, te memoriseer, tydsbeplanning te doen, ensovoorts. 

Studiemetodes Opsie 1

In-persoon werkswinkel

Die in-persoon werkswinkel word aangebied op ons perseel in Olympus, Pretoria-Oos.  Die werkswinkel is sowat 3 ure lank. Daar is maksimum 4 leerders teenwoordig tydens die sessie.  Ons is Saterdae en weeksdae beskikbaar. Om te bespreek, kliek op die “add to cart” knoppie hier onder, of stuur ‘n epos na info@studiemetodes.co.za.

Studiemetodes Opsie 2

Zoom werkswinkel

Zoom werkswinkel.  Hierdie werkswinkel is ideaal vir leerders wat ver van Pretoria af woon, maar steeds individuele aandag wil hê. Werkswinkel is 2 tot 3 ure lank en word aangebied op’n tyd wat julle pas. Om te bespreek, kliek op die “add to cart” knoppie hier onder, of stuur ‘n epos na info@studiemetodes.co.za.

Studiemetodes Opsie 3

Aanlyn videokursus

Die aanlyn videokursus is die verkorte, kompakte weergawe  van ons werkswinkel.  Dit is omtrent 45 minute na ‘n uur lank. Leerders het ‘ n maand tyd om deur die videos te werk.  Hierdie kursus is ideaal vir leerders met self dissipline wat op hulle eie kan werk. Ons beveel dit aan vir hoërskoolleerlinge.

Studiemetodes vir Universiteit studente

Ons studiemetodes program vir Universiteit studente is ontwikkel om voorgraadse en nagraadse studente te help om reg te studeer asook hoe om tydspbeplanning te doen vir die beste resultate. Die program is ontwikkel saam met huidige en voormalige studente.

Terugvoer van ouers

Beste Christa en Mariana

Baie dankie vir ‘n uiters waardevolle Studie metodes kursus, my seun Siebert het dit baie geniet en dit het sy punte ‘n wonderlike hupstoot gegee.

Ek sal die kursus vir alle studente aanbeveel!

Groete en seën met julle mooi werk!

Liesel Krause- Wiid  

Dankie Studiemetodes vir n opwindende en insiggewende kursus. Die kursus en die navorsing t.o. v elke leerder se unieke leerstyl is deeglik en leerdergerig. Die kursus dek verskillende moontlikhede om elke vak op sy gebied baas te raak en gebruik n verskeidenheid van opsommingsmaniere. Ons het dit baie insiggewend gevind en voel opgewonde om opsom sonder n kopseer aan te pak.

Alouise

Dit was absoluut die moeite werd vir Juan. In plaas van ‘n boring kursus, is hy geboei met voorbeelde en dinge wat hom interesseer. Hy was dadelik op sy gemak om betrokke te raak in die besprekings danksy die gemaklike en vriendelike manier van Mariana en Christa. Terug by die huis was hy aanvanklik skepties oor hoe lank die eerste breinkaart hom geneem het om op sy eie te voltooi, maar hy het deurgedruk, en dit het al makliker geword. Danksy julle, weet ons nou watter studiemetodes die beste vir hom werk. Die toespraakskryf kursus was net so sinvol vir Juan en Zané, wat nou hul eie mondelinge skryf. Christa en Mariana, baie dankie vir die selfvertroue wat julle die kinders gee om op hulle eie te kan werk. Ek beveel julle kursusse beslis aan!

Elzanne Groenewald

Produkte en Hulpmiddels

Blog Artikels

  • Skryf jy jou HELE handboek oor wanneer jy opsom? Hier is raad

    Skryf jy jou HELE handboek oor wanneer jy opsom? Hier is raad

    Hoe weet ek watter sleutelwoorde ek moet onderstreep om in my opsommings te gebruik? As daar een aspek van leer en opsom is waarmee die meeste kinders sukkel, is dit om die regte sleutelwoorde uit die handboek te kies. Daar word óf te min woorde opgesom, óf die HELE handboek word oorgeskryf. Sleutelwoorde herken is […]

    Lees Verder

  • Kry begripstoetse jou onder?  Hier is raad

    Kry begripstoetse jou onder? Hier is raad

    Begripstoetse is nie moeilik nie, en dit is ‘n lekker manier om ekstra punte in die eksamen te kry. Baie studente weet nie hoe om begripstoetse te antwoord nie, alhoewel dit eintlik eenvoudig is, as jy genoeg oefen en die regte metode gebruik. Die LVLA metode Die LVLA metode is ‘n baie maklike en eenvoudige […]

    Lees Verder

  • Hoe leer ek vir wiskunde?

    Hoe leer ek vir wiskunde?

    Daar bestaan baie mites rondom wiskunde. Dinge soos: Mens hoef nie vir wiskunde te leer nie; Ek is nie aangelê vir wiskunde nie; Meisies is beter met taal as wiskunde; Wiskunde is moeilik, en nog meer. Mense het die indruk dat net sekere leerlinge kan presteer in wiskunde. Dat sukses in wiskunde slegs beskore is […]

    Lees Verder