Leerstyle

Leerstyle

Om leerstyle te gebruik is ongelooflik belangrik wanneer kinders leer. Elke kind is anders en daarom is dit belangrik om te weet wat jou kind se leerstyl is. Deur te weet wat jou kind se leerstyl is, en hoe om dit te gebruik, gaan jy leer makliker maak vir beide jou kind en jouself.

Tipes Leerstyle

Daar is drie hooftipe leerstyle:

Visuele leerstyl;
Ouditiewe leerstyl;
Kinetiese leerstyl

Visuele leerstyl

Leer deur te sien

Gebruik kleure en prente wanneer hulle opsom.
Tegnieke soos grafieke, kaarte en prente werk baie goed vir visuele leerders.
Is goed daarmee om dinge te visualiseer.
Kan ‘n paragraaf of sin in hulle gedagtes sien.

Ouditiewe leerstyl

Leer deur te hoor

Moet ten alle tye hardop leer.
Kan hulleself opneem terwyl hulle deur hulle werk lees en later daarna luister.
Kan vir hulleself vrae vra wanneer hulle leer.
Moenie in ‘n omgewing leer waar dit baie raserig is nie.

Kinetiese leerstyl

Leer deur te doen

Onthou dinge makliker wanneer hulle dit fisies doen.
Moet beweeg wanneer hulle leer.
Dis goed as hulle speel met ‘n pen, hulle hande of voete beweeg ,of ‘n stresbal druk wanneer hulle leer.

Vir ‘n visuele leerder is dit maklik om iets te onthou wat hulle sien. Wanneer ‘n onderwyser ‘n wiskunde som op die bord verduidelik, en die stappe uitskryf, is dit maklik vir ‘n visuele leerder om die stappe te onthou. Hulle kan later die som in hulle gedagtes sien en onthou hoe die onderwyser die som gedoen het.

Deur net te luister in die klas, kan ouditiewe leerders reeds goeie punte kry. In die wiskunde klas sal hulle aandagtig luister na die onderwyser en onthou wat hulle gehoor het.

Kinetiese leerders vind dit moeilik om stil te sit en te luister na ‘n onderwyser. Hulle onthou gewoonlik nie baie goed as hulle moet sit en luister nie. Wanneer kinetiese leerders in die wiskunde klas na die onderwyser kyk en luister, is dit nie genoeg om die werk te verstaan en goeie punte te kry nie. Hulle moet die som doen en probeer. Wanneer hulle die som self doen, sal hulle die stappe onthou.