- Sukkel jou kind met motivering en selfdissipline?
- Raak hulle angstig wanneer hulle toets of eksamen skryf?
- Stel hulle huiswerk en leerwerk uit tot op die laatste?
- Is hulle negatief, depressief of angstig?
- Sukkel hulle om te fokus?
Wat is “life coaching” vir kinders?
“Life coaching” is nie dieselfde as berading of terapie nie. Waar berading en terapie fokus op aspekte van jou verlede, en hoe jou verlede jou huidige situasie beinvloed, fokus life coaching op die toekoms. Hoe kan ons jou toekoms beter maak deur vir jou vaardighede te leer om jou huidige omstandighede beter te hanteer. Jy leer vaardighede wat jy vir die res van jou lewe gaan gebruik. Ons werk aan ‘n verskeidenheid aspekte om en verhoog jou emosionele intelligensie in die proses.
Ons 8 Weke studie motiverings program word aangepas vir elke leerder se unieke behoeftes. Aspekte waarna gekyk word, is onder andere:
- Wie is ek en wat laat my “tick”?
- Hoekom leer ek? (Motivering). Hoe kan ek in die gewoonte kom om te leer, al voel ek nie lus nie?
- Hoe hanteer ek teleurstelling wanneer ek swak doen in ‘n toets? En hoe voorkom ek paniek en eksamen vrees wanneer ek weer toets skryf?
- Eksamen stres en angs: Hoe kan ek dit beter hanteer? Is daar ontspanningstegnieke wat my kan help?
- Hoe kry ek ‘n goeie balans in my lewe?
- Hoe kry ek tyd vir alles? Tydsbeplanning en doelwitstelling
- Hoe hanteer ek druk?
- Neem verantwoordelikheid: Sukses is in my hande!
