Hoe moet my kind leer as hy nie kan stilsit nie?

kinetiese leerder

Vir menige ouers is dit ‘n nagmerrie.  Dis eksamen tyd en daar is massas werk wat geleer moet word.  Maar Boetie is op en af en kan nie stilsit nie.  Dan is hy op die grond, dan balanseer hy op sy stoel, dan hang hy aan die tafel.  Ma wil haar hare uit haar kop uit trek en skree op Boetie om stil te sit.  Boetie begin kwaad word en huil en neem niks werk in nie.  Almal se stresvlakke is hemelhoog en niemand kan iets met Boetie uitrig nie.  

In die ou dae sou Boetie ‘n groot pak slae gekry het en gedwing word om stil te sit en te leer.  Maar was dit die regte benadering?  Gaan Boetie se punte styg as hy stilsit en leer?  Beslis nie as hy ‘n kinetiese leerder is nie.  

studiemetodes promosie

Kinetiese leerders leer die beste deur beweging.  Wanneer ‘n kinetiese leerder gedwing word om stil te sit gaan hy baie minder van sy werk inneem en onthou as wanneer hy beweeg.  Deur die proses van beweging neem die kinetiese leerder sy werk in en ontwikkel hy die vermoë om sy werk sinvol weer te gee gedurende die eksamen.  Hier is ‘n paar studiewenke vir die kinetiese leerder:

Maak notas

Kinetiese leerders moenie net deur hulle werk lees nie.  Wanneer hulle leer moet daar ‘n proses van beweging plaasvind.  Wanneer hulle leer is die beweging van skryf behulpsaam in hulle memoriseringsproses.  Leer hardop en skryf jou opsommings oor terwyl jy leer.  Kry ‘n groot witbord en skryf jou opsommings oor en oor daarop terwyl jy die werk hardop herhaal.  Staan langs die bord en beweeg rond terwyl jy praat.  

aanlyn studiemetodes

Wees 'n onderwyser

Wanneer kinetiese leerders hulle werk hardop verduidelik is hulle geneig om dit beter te kan onthou en weergee.  Hulle is lief vir verduidelik en debatteer.  Wanneer kinetiese leerders hulle werk vir die eksamen hersien moet hulle hulle werk verduidelik asof hulle ‘n onderwyser is wat die werk vir die klas verduidelik.  Hulle moet staan by die witbord, die opsommings oor en oor skryf op die witbord en rondloop en hardop verduidelik wat op die witbord staan.  

Vat gereelde ruskanse

Kinetiese leerders sukkel om lank stil te sit en te konsentreer. Dit is daarom baie belangrik om nie te lank aanmekaar te leer sonder om breuke te vat nie.   Die maksimum leertyd vir ‘n kinetiese leerder op hoërskool is 30 minute.  Dan moet daar ‘n 15 minute breuk gevat word.  In daardie rustyd is dit belangrik om aktief te wees sodat die brein weer genoeg suurstof kan kry en daar van energie ontslae geraak kan word.  

aanlyn toetse

Wees aktief

Kinetiese leerders is altyd aan die beweeg en het geweldig baie energie.  Hulle moet soveel as moontlik aktief wees deur die dag en die geleentheid gebied word om van hulle energie ontslae te raak.  Soms is ouers geneig om oefening en sport te staak gedurende eksamen tyd.  Dit is egter belangrik dat kinetiese leerders bly oefen en aktief wees gedurende eksamen tyd.  

Gebruik flitskaarte

Flitskaarte is die ideale leermetode vir kinetiese leerders.  Flitskaarte kan geleer word terwyl leerders rondbeweeg en kan vinnig gemaak word.  Dit kan enige plek geleer word en die proses waar die kaartjies heen en weer geskuif word in hulle hande is baie behulpsaam vir die kinetiese leerder.  

Vir kinetiese leerders is beweging van uiterste belang wanneer daar geleer word vir die eksamen.  Ouers van kinetiese leerders moet besef dat hulle nie KAN stilsit wanneer hulle leer nie.  Gebruik beweging tot voordeel van die leerder.  Laat hy ‘n bal hop, met ‘n stresbal speel of op ‘n yoga bal sit wanneer hy leer.  Al lyk dit of hy glad nie konsentreer nie is die kanse goed dat hy wel die werk sinvol gaan inneem wanneer hy beweeg. 

Weet jy of jou kind ‘n kinetiese leerder is?  Vind uit deur ons aanlyn leerstyltoets te voltooi of woon een van ons studiemetodes werkswinkels by.  Kontak ons by info@studiemetodes.co.za 

kinetiese leerder
Please follow and like us:

Leave a Reply

Your email address will not be published. Required fields are marked *