Memoriseer soos ‘n kampioen – die Loci Strategie

loci strategy

Elke jaar word die wêreld kampioenskappe in memorisering aangebied waar deelnemers soveel as moontlik inligting moet memoriseer binne ‘n sekere tyd. Dit is nie ‘n algemene kennis kompetisie nie.  Deelnemers word nuwe inligting gegee wat hulle moet memoriseer en weergee terwyl die tyd aftel.  Daar is verskillende dissiplines waarin memorisering en geheue getoets word, onder andere abstrakte prente, binêre syfers, name en gesigte, spoed syfers, historiese en toekomstige datums, ewekansige woorde en spoedkaarte.  

Studie Metodes

Om soveel nuwe inligting binne ‘n beperkte tyd te memoriseer is nie maklik nie en verg die regte tegnieke en oefeninge.  Die meeste wêreld memorisering kampioene maak gebruik van die loci strategie, wat algemeen as een van die beste en mees effektiefste mnemoniese tegnieke beskou word.  

Die loci metode is eintlik ‘n visuele liaseer sisteem, wat jou in staat stel om amper ‘n ontelbare hoeveelheid items in ‘n spesifieke volgorde te onthou.  Elke plek of “location”, dien as ‘n hoek waaraan jy dit wat jy moet onthou, visueel verbind.  Jy doen dit deur ‘n spesifieke scenario in jou gedagtes te skep waar die plek (location) met die items wat jy moet onthou verbind.  Jy loop dus ‘n spesifieke roete deur die plek (location) waar jy dan die items wat jy moet onthou op sekere plekke plaas.  

Voorbeeld: Riviertipes

Om te wys hoe die loci strategie gebruik kan word, gebruik ons ‘n voorbeeld van graad 12 Geografie rakende riviertipes:

Ons onderskei drie riviertipes:

• Permanente riviere vloei regdeur die jaar en die watertafel is altyd hoër as die rivierbedding.

• Periodiese riviere vloei net in die reënseisoen. Die watertafel is slegs in die reënseisoen hoër as die rivierbedding.

• Episodiese riviere vloei slegs ná swaar reënval wanneer afloopwater in die rivier vloei. Die watertafel is altyd laer as die rivierbedding.

Hoe gaan ons die 3 riviertipes leer met die loci strategie?

Stap 1:  Kry ‘n stuk papier en draai dit dwars

Stap 2: Teken jou huis of ‘n bekende plek op die papier

Stap 3:  Plaas dit wat jy moet onthou op sekere plekke in jou huis of bekende omgewing en laat jou verbeelding vry loop. 

Kom ons sê jy loop by jou huis se voordeur in en die koffie tafel is van water gemaak omring deur ‘n rivierbedding waar daar altyd ‘n mat was.  Die watertafel is hoër as die rivierbedding en op die tafel is die volgende woorde geskryf met ‘n merker pen:  PERMANENTE RIVIERE 365

Dan loop jy in die eetkamer in.  Die eetkamer tafel is ook van water gemaak omring deur ‘n rivierbedding waar die mat altyd was, maar dit reën op die tafel.  As dit ophou reën styg die rivierbedding, maar as dit rëen, is die watertafel hoër as die bedding.  Op die muur staan geskryf PERIODIESE RIVIERE – REENSEISOEN

Jy stap daarna by jou kamer in om die nuutste episode van jou gunsteling reeks te kyk.  Soos wat jy instap reën dit verskriklik hard.  Al die reënwater  loop na die hoek van jou kamer toe.  Jou studietafel is besig om onder die water in te sak.  Op jou rekenaar skerm staan die woorde EPISODIESE RIVIERE – AFLOOPWATER.

Deur hierdie proses gebruik deur te memoriseer en op papier neer te lê gaan jy dit maklik kan oproep in die eksamen. 

Die loci strategie kan gebruik word om ‘n lys van goed te onthou, veral as dit in volgorde onthou moet word. Dis ‘n effektiewe memoriseringstegniek wat met sukses gebruik kan word as dit reg toegepas word.   Woon ons studiemetodes werkswinkel by om te leer hoe om die loci strategie met jou eie skoolwerk te doen. Ons leer jou sommer baie ander dinge ook. 

Wil jy graag die regte studiemetodes leer?  Kontak ons by info@studiemetodes.co.za of kliek hier vir opkomende datums

Please follow and like us:

Leave a Reply

Your email address will not be published. Required fields are marked *