Covid-19: Hoe die “nuwe normaal” kinders kan affekteer.

covid-19

Niks is meer dieselfde nie

Gister was een van daardie dae wat ons moes winkel toe gaan om ‘n paar nodige goedjies te kry.  Soos wat ek deur die winkel stap , kyk ek op en sien gesigte met maskers bedek.  Ek sien mense wat gereed staan om hand skoonmaak middels te ontvang wanneer hulle by die deur inkom.  Ek sien hoe die vloer gemerk is dat ons nie te naby mekaar staan by die kassiere nie.  En skielik besef ek hoe het alles verander.  En hoe niks nooit weer dieselfde gaan wees nie.  

aanlyn studiemetodes

Ons betreë ‘n nuwe wêreld met nuwe reëls en nuwe riglyne.  Dra jou masker, staan ver van mekaar af, moenie aan mekaar raak nie ens.  Ons het al begin aanpas by die nuwe normaal, al is dit nie maklik nie.  Maar hoe affekteer dit ons kinders? Nie net nou nie, maar ook op die lang duur?

studiemetodes promosie

Onsekerheid

Kinders floreer op roetine en sekerheid.  Wanneer die roetine verander sit menige ouer met ‘n kind wat uitreageer.   Die Covid-19 pandemie het tot gevolg dat roetine en die bekende totaal en al verander het.  Ons pas aan en gaan voort, maar tog skep dit onsekerheid onder kinders.  Alles is anders.  Hulle gaan terug skool toe, maar dis onbekend.  Alles is anders.  In die klas is dinge anders en op die speelgrond het dinge verander.

Vrees

Kinders het normale vrese soos wat hulle deur verskillende lewensfases gaan.  Vrees vir die donker, vrees vir monsters, spoke, skelms en geluide.  Maar die Covid-19 pandemie kan nuwe vrese by kinders skep.  Vrees om siek te word, vrees dat ek of my gesin gaan doodgaan, vrees om na plekke te gaan waar ander mense is en meer.  Sommige kinders voel ook benoud om heeldag ‘n masker te dra by die skool.  

aanlyn toetse

Hoe manifisteer vrees in kinders?

Vrees oor die Corona virus kan op verskeie maniere in kinders manifisteer.  Kinders het nie die vermoë om vrees en bekommernis te hanteer soos grootmense nie.  Kinders hanteer vrees op verskillende maniere in verskillende lewensfases.  Soms kan mens voel dat jou kind skielik stout is.  Hy gooi vloermoere, hy huil en skree en is dalk aggressief.   Ander kinders trek weer terug en vermy maats en gesinslede.  As jou kind se gedrag skielik verander, veral nou tydens die corona pandemie, is dit moontlik dat dit vrees en angs is wat hom so laat voel.  

Hoe beinvloed vrees my kind se skoolwerk?

Vrees en onsekerheid kan ‘n baie negatiewe impak op jou kind se skool prestasie hê.  Konsentrasie probleme kan ontstaan omdat hy sukkel om te fokus op sy skoolwerk.  Sommige kinders wil die huidige realiteit ontsnap en verloor hulleself in tv programme, video speletjies, boeke of hulle verbeeldingswêreld.  Hulle kan voel dat dit nie die moeite werd is om aandag aan skoolwerk te gee nie, want daar is groter probleme in die wêreld.  Wat as die lockdown weer strenger word? Wat as ons almal siek word en hospitaal toe gaan?  Wat as dit die einde van die wêreld is soos wat sommige mense voorspel? 

Kinders wat voorheen stil en rustig was, kan skielik aggressiewe gedrag in die klas of by die huis openbaar.  As jou kind se gedrag skielik verander, is dit belangrik om ‘n spelterapeut te gaan sien want op die lang duur kan hy emosionele en skolastiese probleme ontwikkel. 

Die grootse probleem wat die Covid-19 pandemie skep onder baie grootmense en kinders, is die gebrek aan motivering.  Hierdie gebrek aan motivering kan ‘n baie negatiewe impak op jou kind se skoolwerk hê.  Dit is daarom baie belangrik dat ons as ouers versigtig wees wat ons sê rondom ons kinders.  Ons almal weet dit is swaar tye en die hele wêreld is in ‘n stryd.  Maar maak seker dat jou kind weet dat daar hoop is midde die pandemie.  Dat hy weet dat hy steeds hard moet werk want daar wag ‘n blink toekoms op hom.  Maak seker hy het die lewensvaardighede om die stres en onsekerheid te hanteer.  Praat oor dinge wat hom pla en werk saam daaraan om die goeie in elke slegte situasie te sien.  

Dinge gaan beter word en daar is hoop vir jonk en oud. 

aanlyn studiemetodes
Please follow and like us:

Leave a Reply

Your email address will not be published. Required fields are marked *